काठमाडौँ । साताको दोस्रो कारोबार दिन सोमबार नेपाल स्टक एक्सचेन्ज (नेप्से) परिसूचक उल्लेख्य वृद्धि भएको छ। आज नेप्से ४१.७० अंकले बढेर २ हजार ७१९.२४ विन्दुमा पुगेर कारोबार बन्द भएको हो।आज ३४३ कम्पनीका १ करोड २२ लाख ४५ हजार ३३७ कित्ता शेयर किनबेच हुँदा कुल ५ अर्ब ५१ करोड २६ लाख ८८ हजार ९७९ रुपैयाँ बराबरको कारोबार भएको नेपाल स्टक एक्सचेन्जले जनाएको छ।कारोबार भएका समूहहरूमध्ये म्युचुअल फन्ड बाहेक सबै उपसमूहका सूचक हरियाली भएका छन्, जसले बजारमा सकारात्मक माहोल देखाएको छ।आज एभरेष्ट कलर लिमिटेडको शेयर मूल्य सबैभन्दा धेरै १४.९७ प्रतिशतले वृद्धि भएको छ। त्यसपछि रिज लाइन इनर्जीको शेयर १४.६४ प्रतिशतले बढेको छ।यता, आत्मनिर्भर लघुवित्त वित्तीय संस्थाको शेयर मूल्य भने सबैभन्दा धेरै ६.८६ प्रतिशतले घटेको छ।कारोबार रकमका आधारमा अन्खु खोला जलविद्युत कम्पनी अग्रस्थानमा रहँदै २९ करोड १५ लाख रुपैयाँ बराबरको शेयर कारोबार गरेको छ। त्यसपछि रिलायन्स स्पिनिङ मिल्सको २४ करोड ४६ लाख रुपैयाँ बराबरको कारोबार भएको छ।